Etât di mieç
De Vichipedie, la enciclopedie libare dute in marilenghe.
Secont la sudivision plui condividude de Storie Europeane de bande dai studiôs, la Etât di Mieç tal latin media tempestas o ancje media aetas (peraule doprade la prime volte da Flavio Biondo) al è il periodi jenfri la etât classiche e chê moderne.
In dute Europe la Etât di Mieç e scomence tal an 476, secont une convenzion decidude dai storics, che al è l'an de deposizion dal ultin imperadôr roman Romul Augustul e la fin dal Imperi Roman di Ocident.
La fin de Etât di Mieç no je compagne par ducj i paîs. Lis conseguencis de fin de Etât di Mieç a lunc tiermin a forin la nassite dal Rinassiment e des monarchiis nazionâls.
I agns plui utilizâts par segnâ la fin de Etât di Mieç, a son il 1453, an de colade de citât di Costantinopoli par man dai Turcs o la fin de Vuere dai Cent Agns jenfri la France e la Inghiltere, il 1492, an de Scuvierte des Americhis e de fin dal periodi islamic in Spagne o ancje il 1517, an de Riforme Protestante. Cualchidun al dîs che la fin de Etât di Mieç e je di meti tal an 1250, an de muart di Fidrì II di Svevie
La Etât di Mieç, e ven dividude in dôi :
- Alte etât di mieç, (clamade ancje secui scûrs) che va dal secul V al secul X, caraterizade da une grande miserie, e continuis invasions de bande dai Sclâfs, Arabos, Vichincs e Magjârs.
- Basse etât di mieç che va dal secul XI al secul XV, che viôt une rinassite de vite tes citâts, une ativitât comerciâl simpri plui fuarte ancje par il bon guvier des Signoriis, la costruzion di cjiscjei, la nassite des bancjis.
Daurman la colade dal Imperi Roman di Ocident, lis popolazions dal Nord e dal Est de Europe a tachin a barufâ jenfri di lôr, par rivâ a une ricostruzion, soredut locâl, de organizazion aministrative, militâr, economiche e juridiche, par finî tal periodi indulà al reste nome il podê nazionâl.
Bisugne ancje dî che dal 476 nol sucêt nuie. Il gambiament al jere za rivât cu l'imperadôr Teodosio, cuant che il cristianisim al devente religjon di Stât (380 d.d.C).
[cambie] Leams esternis
- Ma non erano secoli bui ([[1]]) di Franco Cardini (par talian)
- Prontuario di stereotipi sul Medioevo ([[2]]) di Antonio Brusa (par talian)